剝削後遺症

剝削後遺症

數個月前係高登到睇一段小文章,內容就係一位中國50後,係毛澤東統治下經歷咗飢餓嘅大半生,最後嘅總結竟然感嘆依家嘅後生仔無受過苦而唔識得珍惜同努力。

每當我睇到關於開放前中國嘅故事我都有好深感受,因為我父母同祖父母輩都係個個年代生活,係我呢個香港出生嘅人對佢地有一個好大嘅強烈睇法就係:

珍惜資源,唔好做特別嘅人同事,要跟大眾總之一樣就最好,然後就不斷地去尋求食食食食食食。

 

講到呢一段,我必須要帶定頭盔,我要表達嘅並唔係19才子成日講中國人停留係口腔期呢個論調。

當代嘅艱苦,我地好難體會,代溝難免出現。

我祖父母輩對我地嘅關心來來去去都係食食食食食食食;因為佢地童年最大陰影就係飢餓。

一個被剝削過自由嘅人,佢地永遠最大嘅體會就係追求自由,同樣被剝削過任何一樣基本生活需要嘅人,對佢地今後嘅生活價值觀就其實係佢地被剝削嘅後遺症。

香港人就係一款被剝削咗「住」嘅奴隸。彷彿只要有層樓,有得住就係人生嘅目標。

再深層次啲去對比開頭所講嘅中國50後:一個被剝削咗「食」嘅人。佢地嘅下半生就係繼續追求食,其他一切對佢地黎講可以話係次等需要,來自嘅係一種恐懼,一種童年陰影。

怪唔到佢地。

只要有「食」,佢唔會理你內部權鬥

只要有「食」,佢唔會理你什麼公義

只要有「食」,佢唔會在乎貪贓枉法

只要有「食」,甚至出賣肉體,出賣人生,佢地會站係高地指罵你地無能。

錯嘅唔係佢地,因為佢地係絕對嘅受害者,一個連生活基本需要都無嘅人,仲講咩理想?講咩生活態度?

有人明白,所以繼續用呢樣剝削法去奴役我地,好等我地覺得其他一切都唔再重要。

「有得你食,仲嘈乜?」

回頭再睇返香港人,再將啲「食」字轉做「住」你就會明白我講乜。

啱睇就Like埋我地個Facebook專頁
港豬廢青一名 只想吃喝玩樂不勞而獲 不求踏實地但求公屋有期

Leave a Comment

Your email address will not be published. Required fields are marked *