移民?哪有錢?你老母!

移民?哪有錢?你老母!

有錢,你當然會好容易移民。你話,屌我都無錢,係咪無得諗?唔係。移民有好多方法,有時候決心比有無錢更重要。

我想同大家講一個故事,話說移民澳洲嘅 Skilled Occupation List (http://www.visabureau.com/austra…/emigrate-to-australia.aspx) 係有好多好撚騎呢嘅嘢,例如樹藝師、調理農務、水電技工、廚師 blah blah blah……如果要讀呢啲嘢,完全唔需要好多錢,更加唔會對學歷成績有太高要求。有位朋友幾年前喺澳洲讀左個 Commercial Cookery 嘅 Course,然後用 Chef 呢個 Skilled Occupation 申請 PR(Permanent Residency),點知又真係得左。後來佢返黎香港做左幾年美心/東海堂嘅血汗工廠,覺得香港生活都係唔撚掂,最後都係以 Skilled Worker 身份去澳洲落地生根,仲生埋小朋友。經過幾番輾轉,而家佢又轉左行,喺澳洲揸緊巴士,尚算收支平衡,一家三口樂也融融。如果屋企可以供得起你讀返個 Master,你可以去歐洲讀一年然後想盡辦法搵份工留低,我身邊有唔少畢業幾年嘅朋友都係用呢個方法尋找移民嘅可能性。賤格少少嘅,見到唔少港女黎英國 Working Holiday,然後特登搵個歐洲人拍拖,當然我完全唔鼓勵大家做呢啲濕鳩嘢,不過人各有志啦下。

我知道一定會有人話做埋晒呢啲工,會乞食。其實咁睇啦,如果你完全放唔低對「職業貴賤」同「搵大錢」嘅信仰,咁香港係最適合你嘅地方。香港真係全世界數一數二嘅挖金勝地,就算你唔讀書都一定有辦法搵到錢,如果搵錢對你黎講比「活得像個人」更重要,你唔需要諗離開香港。選擇離開嘅人一定要有覺悟,雖然有手有腳你會搵到食,不過唔好對所謂事業發展有太大期望。但你可以換到乜嘢?係 Work-life balance,係準時收工,係自由嘅空氣。

咁一個亞洲人去到外國係咪要面對嚴重歧視?其實任何地方都有歧視,但香港嘅階級歧視,遠遠比種族歧視更加可怕。人人目標都係做個中產(或以上),一班人食飯,至鍾意討論阿邊個做緊邊間大公司,果條友人工又有幾多。如果你唔係專業人士,又唔係月入五六萬以上,喺好多人眼中你根本就係「低層人士」,簡單講就係富人歧視窮撚。有朋友甚至講笑咁話:「屌。香港啲階級歧視真係好嚴重,根本就係存在種性制度,不過就係用收入財產黎分級。」

你話去到外國要做二、三等公民?蝗蟲黎晒香港同大家爭資源、日日同水貨客逼火車,示個威又要比人監禁幾年。我又想問下到底有幾多人喺香港感覺到自己係一等公民?

Photo: INTO Study

啱睇就Like埋我地個Facebook專頁

Leave a Comment

Your email address will not be published. Required fields are marked *