FACEBOOK PAGE呢個平台仲可以繼續玩幾耐呢 ？
睇到唔少寫文或畫圖的PAGE主都愈來愈少更新，
可能因為觸及率低到令人無癮，可能係佢哋另覓咗其他方向，
又或者係因為望唔見光明嘅出路？

雖然字數長短與質素無直接關係，
但眼見唔少作者寫文愈寫愈短，或間唔中字句間都流露無力感，
可能係灰心，又或係因為寫文唔能夠維生，
始終為生活都係要返一份全職工作，咁係創作上就要作出取捨。
當中的情緒係無奈同心痛。

一個平台載著自己的部分人生，
面對自己建立的過去，真係會好眷戀，
唔少寫文或畫圖的作者都係FACEBOOK PAGE起家，
花咗好多心機係到建立咗心血，
要一時搬去其他平台由頭嚟過的話，當中亦有一份不捨，
而且畫圖就話搬IG，
寫文章嘅都可以搬去MEDIUM，但嗰邊始終未流行起來。

FACEBOOK係愈來愈唔好玩，仲好似係苟延殘喘咁，
觸及率低到心寒，
今日UPDATE的POST，又隔成三、四日先會出現係NEW FEED，
但玩開有感情，
都係唔想FACEBOOK就咁老去、無聲無息咁連同我哋嘅回憶過去。