8月5日三罷的關鍵意義

8月5日三罷的關鍵意義

話說第一次世界大戰結束之後,巴黎和會有中國曾經提出廢除外國在華勢力範圍、撤退外國在華駐軍等七項希望、取消日本強加嘅二十一條,但被拒絕。巴黎和會列強決定將德國喺中國山東嘅權益轉交日本,只係歸還八國聯軍侵入北京時被德國掠奪嘅天文儀器。北洋政府有好多媚日官員準備簽字,消息傳到去北京,於是引發起1919年5月4日學生運動,上街遊行表達訴求,要求廢除21條,當時最出名嘅口號之一係「外爭國權,內除國賊」。

最後令到北洋政府最撒除當時賣國賊官員職務,無簽到《梵爾賽條約》嘅關鍵其實係1919年6月3日發起嘅罷工罷市罷課,係一場廣大市民、商人等基層同中層都有廣泛參與嘅社會運動。成個運動包括示威、遊行、請願、罷課、罷工同暴力對抗政府等多種形式。(係唔係好似香港呢?)

將概念放返係香港,無數嘅學生運動、和平請願、遊行、示威都已經做過,但依然無用,民憤越積越多,香港人已經去到忍無可忍嘅地步,連公務員同醫護界都分別出動集會。8月5日三罷就係好似1919年6月3日一樣,唔單止係一重表態,仲係一種實在行動,唔好諗做嚟有無用。如果6月9日到而家每一個行動都諗做嚟有無用,我相信引渡條例修訂已經通過咗!今次三罷要做得夠徹底,人數越多越好,唔理中資定外資,越大影響越好,咁樣先可以話俾香港政府知,如果繼續對香港人嘅五大訴求不瞅不睬,如果繼續縱容黑警同黑社會無法無天,香港人將會同佢地沒完沒了!

公道自在人心,是非不在時勢,Be Water,香港人加油!

啱睇就Like埋我地個Facebook專頁
廢青一名,醉心填詞,欣賞林夕老師的細膩感情,喜愛方文山老師的詩情畫意。以字發聲,月旦春秋。不想在沉默中滅亡,深信堅持才有希望。

Leave a Comment

Your email address will not be published. Required fields are marked *