Posts by: 小盛女

十分可愛(可憐沒人愛)的淑(熟)女,享受自嘲自諷的life style,仍然相信"Nothing is impossible"的老土金句。

by 小盛女

啱啱出嚟做嘢嗰陣…

職場

其實做過嘅每一份工,遇過嘅每一個人,都會令你有一定程度嘅成長,凡事都有兩面,呢一刻可能你好憎呢個A字膊嘅同事,乜都推晒畀你做,但係第時諗返可能就係因為佢令你學識 say no,唔再做 yes man。

Read more

by 小盛女

拍拖愈耐,男人愈懶

情感

「下?好正常啫,我男友都係啦,以前整燭光晚餐,而家有公仔麵食都算偷笑喇。」死黨阿花說。「你唔會覺得咁樣好大反差嘅咩?」我說。「都會㗎,不過愛情就係會慢慢變成感情,如果佢好識氹女仔你咪仲驚,一陣佢去氹第二個呀,都係老老實實好。」死黨阿花說。「嘻嘻,咁又係。」我說。

Read more

by 小盛女

如果我係男人,我一定會追你

生活

「唓,男人都係睇樣同身材嘅啫,我唔比佢哋知我係咁咪得囉!不知幾多人爭住追我。」阿靚說。「如果我娶咗你返去先發現你呢一面我會喊出嚟,其實你咁樣算唔算感情騙案。」「um…我會形容為願者上釣囉,哈哈!」阿靚說。

Read more

by 小盛女

愈好人愈折墮

職場

好人難做,喺職場上更加唔應該做,因為「好人有好報,惡人有惡報」只係喺無能為力嘅情況下自我安慰嘅說話,做好人永遠無好結果,我都奶過唔少次嘢。最簡單嘅就係因為做好人,唔識拒絕同事嘅請求,然後個個都會搵你幫手,乜都關你事,最慘嘅係幫過一次,個責任就落咗你度,你say no,人哋就會話:「下,不嬲都係你做㗎喎,我唔識㗎。」

Read more

by 小盛女

每個女人都係一隻高音怪

隨想

「人哋平幾百蚊畀你啫,使咪即刻講嘢勁高音呀。」我哋行出電話舖後男友Mike不屑地說。「下?有咩?咁而家要佢幫手嘛,佢搵唔到個套畀我咪死,同埋佢又送咗咁多嘢畀我哋。」我說。「咁你而家同你公司個同事Eva有分別咩?高音怪!」Mike說。

Read more

by 小盛女

遇到個關心自己嘅男上司,男友話:「超!扮細心!關佢鬼事!」

職場

最近我身體唔舒服,佢介紹咗好多唔同嘅醫生畀我,中醫、西醫、自然療法等等,有個咁貼心嘅腦細,其實都算係小幸運,但係男友Mike當然唔係咁諗,佢會話:「超!扮細心!關佢鬼事!」當然我有同佢解釋腦細其實對個個都好好,又有一個拍咗好多年拖嘅女友,平時都好gentleman,唔會抽女同事水,叫佢唔使擔心,然後佢就會話:「男人最明男人諗乜,總之呢個世界上所有男人都係PK,要非常小心!」

Read more

by 小盛女

我只想身體健康

生活

除咗自己辛苦之外,仲會令到另一半同屋企人擔心,阿爸阿媽成日都唉聲嘆氣,擔心我唔知有咩事,搞到我都唔係幾敢咳出聲,淨係留喺房昏睡。小病都咁辛苦,何況係大病?

Read more

by 小盛女

做傳銷其實同入邪教無乜分別

職場

如果係朋友,我可以同佢斷絕來往,但係同事就難搞啲,日日對住,唔通我辭職避佢咩,唯有一直話唔得閒拖住先。我唔排除佢嘅產品可能真係好用,亦都唔排除做傳銷真係可以賺大錢,只可以話呢種style真係唔啱我,亦想提提大家要小心啲,因為似乎傳銷又再捲土重來了

Read more

by 小盛女

是咪做得sales 都有個格?

職場

最近公司請咗個女sales,基本上佢係一人之下,萬人之上,直屬腦細們,聽講佢好猛料,做過好多大公司,業積好好,即係好跑到數。外表細細粒粒,笑得幾甜,講嘢高八度,好嬌嗲,女腦細話男人最受呢套,迷迷下就好易落搭傾得成生意,女老屎忽話淨係佢同人打招呼同自我介紹都已經睇得出佢好老練。

Read more

by 小盛女

我決定辭職,因為. . . . . .

職場

打工仔轉工係好閒嘅事,基本上個個人都轉過四、五份工以上,每次決定辭職我都諗得好清楚,而且堅決唔食回頭草,除非公司真係加好多好多好多錢畀我(暫時未試過),無計啦有時人總會為錢而低頭,講真,打工都係為錢啫,唔通同你談情咩。

Read more

by 小盛女

裸辭定騎牛搵馬好?

職場

「而家日日都好想辭職,我覺得好攰,好想放長假。」我說。「Send咗CV出去試水溫先啦,都唔知個市點,搵到先走啦,風險低啲。」死黨阿花說。「成世人流流長,仲有幾十年工要返,就算我裸辭抖返一個月都唔過份啫?」我說。

Read more

by 小盛女

做人最忌就係未試過就認輸

職場

其實搵工就如追女一樣,當你有天偶遇女神,覺得她靚爆鏡,心想一定有很多人追,自知不夠班,於是未追先認輸,甚麼也不做,只是每日像怨婦地呻,遲早一天她一定會被人搶走,但如果你心口掛個勇字豁出去一試,可能你會發現原來女神根本沒有人追,非常寂寞,分分鐘和你一拍即合添。

Read more

by 小盛女

見工係一場溝女溝仔嘅遊戲

職場

見工同識女仔一樣,最初可能都係漁翁撒網,然後睇下邊個願者上吊,再慢慢了解多啲,睇下有無機會發展落去,當然我都唔係啲咁濫嘅人,唔會乜工都啱,會睇清楚工作內容同要求、人工福利同工作地點等而決定發唔發履歷表過去。

Read more

by 小盛女

十次團購,真係十次都奶嘢

生活

其實幾年前我都經常團購,因為覺得很抵,但每次都是中伏,所以已經很久沒有再買,但「人類總是犯重複錯誤」,今次又中招,以後除非是吃過的餐廳,否則都不會再團購,今次沒有肚痛已是不幸中之大幸。

Read more

by 小盛女

【極品腦細】夜媽媽/放緊假仲叫人做嘢真係好仆街!

職場

「張海報用咩色會突出啲?要搶眼但又唔可以cheap。」腦細Michael說,那時已是晚上十一時五十五分,我剛好刷完牙打算上床睡覺。「可以試下用湖水藍,幾襯我哋個product。」我說,其實都是隨口嗡,因為我已經很睏。「咁你上網搵啲reference,另外份rundown同mc稿你睇咗未?」Michael說,隨即發了兩份文件過來。

Read more

by 小盛女

死喇我越來越覺得啲弟弟可愛

職場

人事部經理一個月前已經很興奮地和大家鄭重宣佈將會有兩個小鮮肉上班,全公司的女人都非常期待,因為小妹公司的男同事平均年齡都超過四十或以上,每日都是除了叔叔,還是叔叔,感覺實在有點頹廢,雖然韓國掀起的大叔熱潮還在,但可惜公司的大叔們不屬孔劉那一款,而只是一般在街上看到的「真」大叔。

Read more

by 小盛女

掃地呢份工真係唔易做

職場

我覺得掃地這份工真的一點也不易做,每天長時間要站在街上並俯身不停掃,由街頭掃到街尾,然後去另一個地方又再掃,還要日曬雨淋,加上重重覆覆的動作,真的很累人,而且他年紀也不小,有時看到他也覺辛苦。

Read more

by 小盛女

打工仔一人最多可以分飾幾角?

職場

腦細最大膽是會計放假也找我頂,大佬我是個數學白癡來的,但腦細竟然說:「邊學邊做囉,比機會你學嘢咋!」接著到admin放假,我便要幫忙整理辦公室、大掃除,腦細說清潔姐姐很多位也抹得不乾淨,然後手套也不帶便用濕布抹那堆千年塵

Read more

by 小盛女

馮盈盈都叫唔造作,咁麥美恩叫咩?

影視

無可否認,人靚真的比較多著數,至少兵都可以收多一點,發姣都可以稱為不造作、率真。說句公道說話,盈盈都算靚,雖然比她有氣質/靚的藝人也大有人在,例如李佳芯、黃心穎等,但盈盈都叫做比上不足,比下有餘。靚也分很多種,清純的、詩文的、誘人的、可愛的,不知道盈盈應歸哪一類,只感覺她在女人角度來看是不討好。

Read more

by 小盛女

其實我只係想好好哋去個廁所啫!

職場

話說公司有個同事叫「廁王」,最鍾意入廁所玩手機hea晒啲時間唔做嘢,我當然知道廁所係打工仔放鬆兼偷懶嘅好地方,問題係一層得一格,你入去半個鍾唔出嚟,真係分分鐘會急死全村人,不過你話佢都無用,佢只會扮到好慘咁同你講:「哎呀我肚痛呀。」我初初都好傻仔咁信佢,但佢每次出嚟都係只會聞到香水味,唔通佢啲便便係香嘅!?

Read more

by 小盛女

做打工仔千其唔好寵壞你老闆

職場

雖然唔應該寵壞老闆,但老闆始終係老闆,總唔可以次次都 say no,除非搏炒,不過佢平時都算對我都好好,所以久唔久一次我又得閒嘅話其實都會幫佢,你對我好,我對你好嘅啫,其實打工仔真係好簡單,與其對我好,不如加我人工仲實制啦,我唔想你讚我,我淨係想加人工呀!

Read more

by 小盛女

夢之謎

隨想

講開發夢,我成日都會夢見自己甩晒啲牙,一係就畀人望住我去廁所、跌落深淵(會有一下離心嚇到醒咗)、食自助餐(次次都係夾勁多嘢食但未食就醒咗)、被人/怪獸追殺等等,都唔係啲咩好夢,我上網查過,話係因為壓力大,但我又唔係好覺平時有啲咩事係好大壓力,可能係潛意識影響。

Read more

by 小盛女

人比人,比死人呀喂!

生活

「喂,有無見到頭先個女仔條連身裙呀?」同事Macy說。「有,成條都係喱士㗎嘛,仲好緊身添。」同事Kate說。「Er…其實呢,佢係我大學同學嚟。」我尷尬地說。「吓!唔似喎!」Macy說,其實我都知自己同佢差一大截,總之唔講出嚟話識佢。「係囉真係唔似喎,佢睇落老咁多嘅!」Kate說。

Read more

by 小盛女

男人細心真係殺哂

情感

以上都係簡單到暈嘅嘢,基本上係男人都做到,雖然係好小事,但女人就會覺得:「咦,佢都幾細心喎。」自自然會暗暗加分,可能你睇完會話:「喂,我以上做晒都唔得喎,回水!」唓,咁好正常啫,愛情呢家嘢係咁㗎啦,有feel就乜都得,無feel就乜都唔得,而且個個女人嘅諗法都唔同,我buy細心可能你女神buy「Pan多拿」呢。

Read more

by 小盛女

女人其實真係幾恐怖

情感

可能真係your face, your fate啦,即使佢哋表現到非常賢良淑德,識嗲人,扮弱者,但都係無乜效,我仲留意到其實佢哋每次show off嘅時候大家都係鴉雀無聲,其實做返自己,自自然然咪幾好囉。

Read more

by 小盛女

女人淨係靠件戰衣係無用架

情感

女人就算有戰衣其實都係無用,最緊要反而係 keep 住個身型,所以我最近都好努力咁去做運動,一星期三次,希望可以瘦返少少,著返啲靚衫,因為好多衫睇落好靚,但一試上身就好核突,成個肚突出嚟分分鐘人哋以為我有咗,然後試咗幾件都 fail 之後個人就會好頹,連衫都唔想再睇,雖然無形中係慳咗錢。

Read more

by 小盛女

其實我都好後悔無同過學生哥拍拖

情感

話說小妹以前係讀女校,諗返起以前中學嘅生活都好開心架,仲識到班好姊妹,不過硬係覺得爭咁啲嘢,就係無拍過拖。雖則每個人嘅性格都唔同,但讀女校唔多唔少都會有啲影響,你諗下六年嚟日日都淨係同女仔相處喎,雖然都有幾個阿 sir,但係有幾可會同佢哋講嘢先?

Read more

by 小盛女

邊個話男人唔會呷醋?

情感

話說今日同 Mike 各自同朋友食飯,我行返屋企嗰陣咁啱見到有幾個人喺度跑步,於是我就 whatsapp 同佢講:「你一唔喺度,即刻有幾個唔著衫嘅大隻佬喺我屋企樓下跑步。」點知打完呢句唔夠一秒個電話就響。「喂!」Mike 說。「喂?你做咩打嚟嘅?你唔係同朋友食緊飯嘅咩?」我說。「好危險囉!一陣人哋跑跑下無啦啦跑咗落你度扮撞親,咁就搭到訕架喇!」Mike 說。

Read more

by 小盛女

男人都係口裡說不,身體卻很誠實

情感

男人對住樣靚身材正嘅女人可能會不禁變咗狗公,搖頭擺尾咁,但係講句公道說話,女人對住啲高大有型靚仔又大隻嘅韓星咪又係一樣發晒姣心心眼咁樣係咁叫 oppa?嗱,一係咁,我唔介意你同索女影相,你都唔好介意我同型男影相喇,公平啦喂。

Read more

by 小盛女

我就係鍾意聽 Twins 嘅歌

情感

唔同嘅心情就會聽唔同嘅歌,越唔開心就會聽啲越慘嘅歌,然後好好喊一場,甚至係無數咁多場,然後突然有一日你就會發現原來時間已經無意中醫好咗你內心嘅創傷,又可以再從新出發。有時聽到某啲歌,都會勾返起唔同嘅回憶,但而家已經可以做到一笑置之了。

Read more