Posts by: 散彈一號

全職文字工作者、應用哲學家。對「邏輯一致性」、「系統複雜度」之類的偏門學問獨有心得。在美利堅合眾帝國邪惡資本主義集團的領導下,嘗試改變世界。

by 散彈一號

「勇武抗爭」已經唔存在喇

政治

本土派意見領袖一直吹噓「勇武抗爭」如有神效,前線抗爭者未免有種心理壓力,唔想「衰俾人睇」。事實上,任何本土派發動嘅行動,都會被一班食飽飯冇屎痾嘅酸民恥笑「唔夠勇武」。雖然網絡孤魂嘅意見不必理會,但當一班喺社運界稍有地位嘅人,日夜對你冷嘲熱諷,難免構成一定嘅心理壓力。

Read more

by 散彈一號

用念力叫人買雪糕

哲學

假設我嘅決定,全部都係我自己獨立做嘅決定,唔受「外界」影響。又假設我嘅決定,同其他人有一定程度嘅 correlation,如果以上假設全部都成立,咁就可以得出結論:我私下決定排隊買雪糕,可以令到其他人都決定去買雪糕,所以我可以用念力影響世界。

Read more

by 散彈一號

只有病態社會,先會有社會賢達喺公眾面前爭論法律觀點

政治

社會大事,唔係你死拗話某佢「合法」,就真係值得做、可以做。有爭議嘅法律問題,一日法庭未判,一日未上訴到終審法院,都唔知結果會係點。在此之前,社會上一切嘅所謂「專業意見」,其實只不過係用「法律」包裝嘅政治說詞,意在制造輿論壓力,意圖迫政治對手就範。一個健康嘅社會,唔應該執著於某件事「是否合法」,而應該討論某件事「是否應該合法」。

Read more

by 散彈一號

絕對唔科學嘅念力

哲學

我決定投唔投票,同其他人投唔投,係有一個明顯嘅關聯。呢個亦都係無容置疑嘅客觀事實。當我掙扎緊投唔投票嘅時候,如果我接受呢個客觀關聯,而同時我又好清晰咁感受到我意志嘅自由奔放,咁呢一刻,我決定去唔去投票,就會直接「影響」到其他人嘅決定。

Read more

by 散彈一號

左膠就係動物農莊入面嘅豬

生活

你一邊食牛,一邊反對著貂皮,係完全冇問題嘅。你選擇愛護貂媽媽,捨棄牛媽媽,正正係實踐「愛就係選擇」嘅本土派理論,天經地義架。但係,如果有人硬係要講「愛護(所有)動物(除非好味)」、「眾生平等」乜乜乜,咁又真係虛偽咗少少。

Read more

by 散彈一號

想學矽谷?都要天時地利人和

經濟

產業唔同。雖然大家都係搞電腦嘢,但喺生意角度,矽谷型公司同傳統產業係完全唔同嘅嘢。唔係話「人哋外國點點點」你就可以照炒。起碼老屎忽間公司仲未執笠,佢如果身痕轉型,只會凶多吉少。大佬你諗下喎,當你幾十歲人有老婆仔女要儲錢退休,唔係要佢拎養老金出嚟學啲後生仔咁樣搵命搏呀?

Read more

by 散彈一號

承諾就係一種預言

哲學

好多「相信承諾」嘅人,到死一刻,都唔知自己原來相信緊一個童話故事。《睡公主》入面嘅女魔王詛咒小公主十六歲會俾紡綞殺死,連小學雞都唔相信會喺現實世界發生,但偏偏呢種預言(aka. 「承諾」)每日都發生緊。

Read more

by 散彈一號

時間,係現代文明的產物

哲學

所以,簡單嚟講,人類就係希望生活喺一個未來充滿不確定嘅世界!所以,我哋熟悉嘅世界先至充滿變化。所以,某程度上,「過去係確定,未來係不確定」呢樣嘢,係人類自己刻意營造出嚟嘅環境,並非所謂「物理定律」。其實,根據物理定律,追溯過去,同預測未來,係一樣咁難

Read more

by 散彈一號

哲學嘅終極權威

哲學

作為知識份子,將前人知識融會貫通,係做學問嘅基本要求。如果淨係識得執人口水尾,講兩句道理都要子曰詩云,驚死自己唔引經據典就冇說服力,豈不羞家?就算係讀得書少嘅市井之徒如我,都有自己嘅想法,有自己嘅立場,自己嘅理論。如果你讀書比我更多,豈不是更加應該有自己嘅意見?

Read more

by 散彈一號

全民覺醒,係香港人嘅悲哀

政治

有幾個朋友近日為反對政府強推「科技局」而不斷奔波。佢哋成立嘅《前線科技人員議政小組》最近亦都為籌集業界簽名,反對「袋住先」而勞碌咗好多晚。有位朋友慨嘆:「直接民主呢家野,真係要full-time先參與到。唉,代議政制失效,真係會攰死公民。」呢個先至係所謂「全民覺醒」、「全民參與」嘅殘酷真相。

Read more

by 散彈一號

無良僱主寫鱔稿壓價 邊個最開心?

經濟

所以一個老闆除咗要知道市價之外,仲要識得請人。讀中史都有講啦,古代英名嘅君主,個個都係「知人善任」,即係識得搵合適嘅人去做合適嘅工作。你同我講某某應徵者 Y 大學畢業、X 年工作經驗……其實有乜用?好多人做咗幾十年人都係戇居居,亦有好多人做兩三年嘢就做到好好成績。

Read more

by 散彈一號

借《庖丁解牛》淺談錯簡的問題

文藝

話說古時的書籍是用竹簡編制而成,如果有人不小心把串聯起竹簡的線繩弄斷了,一片片竹簡散落地上,就要重新把竹簡用線繩編排。大概不是每個圖書館管理員都熟讀經書,偶爾會編錯,就形成錯簡。結果就是句子的次序搞錯了,或者多了幾句不相干的文字,又或者少了幾句。

Read more

by 散彈一號

愛國有價,香港人不要賤賣國家民族感情

政治

其實有啲嘢真係香港人集體自作孽。話「香港可以實行國家安全法」嘅人,係唔係香港人先?呢啲越俎代庖、擅自扮中共代言人嘅香港人,好多時都唔係根正苗紅嘅共產黨員。少數香港仆街將香港人本身有嘅權利賣俾中共換取個人利益,而普遍香港人竟然毫無感覺,甚至會支持,呢個先係香港人回歸以後利益不斷受剥削嘅主因。

Read more